De Deern vun’t Fastland

Dor achtern, achter de Diek, bün ik opwussen, man vun Pellworm kumm ik nich. In de Negde vun en lütte Dörp in Nordfreesland wahn ik mit op de Bedriev vun mien Öllern. Nu is aver noog üm de hitte Brie rüm snackt worrn! Mien Naam is Anna Brodersen, ik bün 27 Johr oolt un tomehrst an dat bunte Tüüg oder de knallige Lippenstift to erkennen. Ik bün nee op Pellworm. Siet 1. Februar höör ik nu to dat Kollegium vun de Hermann-Neuton-Paulsen-School. Mit en grode Hart för dat Plattdüütsche un de studerten Fächer Düütsch und Englisch in’t Gepäck starte ik as frisch utbillte Lehrerin dörch. För mi gifft dat nichts schöneres, as wenn de Kinner mit mi Plattdüütsch snacken un wi tohoop moderne Ünnerricht maken köönt. Ik freu mi över mien ne’e Opgaav un bün al gespannt mal de annern Ecken un Kanten vun Pellworm kennentolehren. Un wenn du nu noch wat weten muchst, snack mi an oder schriev mi en Mail an anna.brodersen@schule-sh.de! 

Anna Brodersen