Dat weer en grote Hallo. Se keem natürli nich alleen, sondern mit twee Kameralüüt, een Toontechniker un een Fru för de Hoor un een för de Teint un een, de sik  dat allens utklamüstert het. 

Plattdüütschunnerricht wull se bannich gern ankieken un ok poor Wöör dorbi lehrn. Keen Problem ! 
De ganze Tross keem inne Klass vun Fru Martensen inne Niebuu un dor het Fru Rakers sik mittenmang de Kinner in en grote Krink hinsett un wi häm verschedene Spele speelt.Dat güng um dat Inkopen un Kocken. Wi häm veel Spooß tosommen hat. An´n Enn , de Tiet wer meis knapp, het se liekers noch unse Frünnenbook utfüllt. Dor häm wi uns düchti öwer amüsert. Judith Rakers Ökelnaam is to´n Bispüll „Goldie“ . Könn jem sick vörstelln, woher dat wuhl kümmt ? 
 In de tokamen Januor wiest de NDR en halvstündige Film över Pellworm un wi sünd dorbi ! 
 Glück hat !  Die Inselgeschichte über Pellworm mit Judith Rakers findet ihr in der ARD Mediathek und dann nach "Inselgeschichten" suchen.